Απλή ταινιωτή επίστεψη.
Επιγραφή που εκτείνεται σε όλο το πλάτος και καταλαμβάνει το ανώτερο μισό της πρόσθιας όψης της στήλης.
Ed. pr. Μπέσιος 1993, 1116-1121 (=ΒÉ 1994, 389. SEG 43, 451). Hatzopoulos 1996, no. 55.
Ἀγαθῆι Τύχηι· Πρωτέας Φιλίππου Πυδναῖος ὁ ἀποσταλεὶς πρεσβευτὴς ὑπὸ τῆς πόλεως πρὸς Καρπωνί- δαν καὶ Ἀλεξιφάην Δημητριεῖς, ὢν δὲ ἱερεῦς τοῦ̣ Ἀπόλλωνος τοῦ Δεκαδρύου εἶπεν· ἐπειδὴ Καρ- πωνίδας καὶ Ἀλεξιφάης κατακολουθήσαντες τοῖς ὑπὸ τῆς πόλεως γεγραμμένοις καὶ τοῖς ὑ- π’ αὐτοῦ καὶ Κλεοβούλου τοῦ Ἀντικράτου συμ- πρεσβεύσαντος ἀξιουμένοι(ς) ἀποκαθεστάκει- σαν τὸ ἄγαλμα τοῦ Ἀπόλλωνος τοῦ Δεκαδρύ- ου μετὰ πάσης φιλοτιμίας καὶ καλοκ<αι>αγαθίας ἀποτ[ι̣]θέμενοι πρὸς μὲν τὸ θεῖον εὐσέβειαν, πρὸς [δ̣]ὲ τὴν πόλιν χάριτας [ἀ̣]ξίας, ἵνα δὲ καὶ ἡ πόλις ἡμῶν φαίνηται εὐεργετοῦσα καὶ ἀντι- καταλλασσομένη τιμᾶς τοῖς αὐτὴν ἐκτενῶς προτιμῶσιν, δεδόχθαι τῆι πόλει τῆι Πυδναί- ων ἐπαινέσαι τε Καρπωνίδαν καὶ Ἀλεξιφά- ην ἐπὶ τῆι εὐνοίαι ἣν ἔχουσιν πρὸς τὴν πόλιν, εἶναι δὲ αὐτοῖς καὶ ἐκγόνοις ισοπολιτεία̣ν καὶ προξενίαν καὶ ἀσφάλειαν καὶ πολέμου κ[α̣ὶ] εἰρήνης καὶ τὰ λοιπὰ φιλάνθρωπα ὑπάρχειν καθάπερ καὶ τοῖς ἄλλοις εὐεργέταις· ὅπως δὲ καὶ πᾶσιν ἦι συμφανὲς ὅτι αἰ παρὰ τῶν εὐεργετη- θέντων τιμαὶ χάριτες ὑπάρχουσιν διπλασίο- νες τοῖς εὐεργετήσασιν, ἀναγράψαι τὸ ψή- φισμα εἰστήλην λιθίνην καὶ στῆσαι πρὸ τοῦ ναοῦ ἐν τῶι ἐπιφανεστάτωι τόπωι, τὸ δὲ ἐσόμενον ἀνάλωμα ἀνενέγκειν τοὺς τα- μίας ἐκ τοῦ ὑπάρχοντος ἱεροῦ λόγου. vacat
Η στήλη έφερε παλαιότερη επιγραφή, από την οποία σώζεται ένα Α με οριζόντια εσωτερική κεραία στην πρόσθια όψη στο τέλος του στ. 29, ενώ στην δεξιά πλάγια λαξευμένο πεδίο ύψους 0,55μ. υποδεικνύει ότι υπήρχε και άλλη επιγραφή.
